3-4 кастрычніка далучайцеся да Восеньскіх дзён назірання за птушкамі!

Запрасі сяброў, сваякоў ці суседзяў на назіранні за птушкамі ў выходныя 3 і 4 кастрычніка!

Дадаць wilderness.by у крыніцы Google

У гэтыя выходныя 31 краіна з Еўропы і Цэнтральнай Азіі ўдзельнічае ў Восеньскіх днях назіранняў за птушкамі EuroBirdwatch-2026. Гэта цудоўная магчымасць для вас правесці цікава час разам на свежым паветры.

Што трэба рабіць:

1. У адзін з гэтых дзён або ў абодва выбірайся на прагулку з сябрамі, сям’ёй, суседзямі. Разам цікавей, весялей. Назіраць можна дзе заўгодна: у полі, у лесе, на вадаёме, у горадзе.
2. Улічвайце ўсе віды птушак, якія трапяцца. Асабліва тых, хто зараз трымаецца вялікімі чародамі: шпакоў, гракоў, чаек і галубоў.
3. Усе дадзеныя перашліце нам праз Гугл-форму да 16:00 4 кастрычніка 

Што рабіць, калі вы назіралі за птушкамі цягам дня з рознымі групамі?

Яны заносяцца як адно назіранне. Трэба палічыць колькасць людзей, з якімі разам вы назіралі за птушкамі (уключаючы вас). Тых самых людзей двойчы не ўлічваем. Калі ёсць падставы меркаваць, што вы назіралі некалькі разоў адных і тых жа асобін птушак, то іх таксама паўторна не ўлічвайце. У форму заносіце агульную колькасць людзей і агульную колькасць птушак за канкрэтны дзень.

EuroBirdwatch-2026 арганізуе глабальная асацыяцыя прыродаахоўных арганізацый Birdlife International. У Беларусі каардынуе назіранні кампанія “Дзікая прырода”. EuroBirdwatch праводзіцца ўжо 34 гады запар. Яго мэта – далучэнне людзей да назірання за птушкамі.

Мы тэрмінова адправім дадзеныя назіранняў у нядзелю міжнароднаму каардынатару і ўжо ў панядзелак стане вядома, колькі птушак налічылі ў Беларусі і іншых краінах, якія віды былі самыя шматлікія і якія рэдкасці трапіліся ўдзельнікам назіранняў.

Далучайся і запрашай іншых! Падзяліся гэтай абвесткай з тымі, каго можа зацікавіць. Правядзі гэтыя выходныя з птушкамі і з тымі, каго любіш. 

На верхнім фота Уладзіміра Бондара — чарада кнігавак.