Дапамажы падлічыць птушак у выходныя 4 і 5 кастрычніка!

4-га і 5-га кастрычніка пройдуць Восеньскія дні назіранняў за птушкамі EuroBirdwatch-2025.

Што трэба рабіць?

1. У адзін з гэтых дзён або ў абодва выбірайся на прагулку адзін ці з сябрамі, падлічы колькі і якіх птушак убачыш. Назіраць за птушкамі можна дзе заўгодна – у полі, у лесе, на вадаёме, у горадзе.
   Улічвай усе віды птушак, якія трапяцца – асабліва тых, якія трымаюцца зараз вялікімі чародамі: шпакоў (скворцов), гракоў (грачей), чаек і галубоў.
2. Усе дадзеныя перашлі праз Гугл форму да 16:00 5-га кастрычніка.

Для ўдзельнікаў EuroBirdwatch-2025 кошт удзелу ў восеньскім чэмпіянаце па фотабёрдынгу ў суботу 4 кастрычніка 15 рублёў замест 25-ці. 

EuroBirdwatch-2025 арганізуе глабальная асацыяцыя прыродаахоўных арганізацый Birdlife International. Мерапрыемства праводзіцца ўжо 33 год запар. Яно прысвечана пашырэнню ведаў пра пералётных птушак і іх месцы пражывання.

Далучайся! Правядзі гэтыя выходныя з птушкамі.